Que é eTwinning?

Que é eTwinning?

Desde a súa creación en 2005, eTwinning converteuse na maior rede social europea de docentes e centros escolares.  O obxectivo de eTwinning  é promover e facilitar o contacto, o intercambio de ideas e o traballo en colaboración entre profesorado e alumnado dos países que participan en eTwinning, a través das TIC.  Ademais de ofrecer oportunidades de interacción e formación, docentes e alumnos de  dous  centros escolares de distintos países  europeos poden desenvolver  proxectos de colaboración a través de Internet  sobre cualquera tema do ámbito escolar acordado polos participantes.

O programa eTwinning é una iniciativa da Comisión Europea que comezou no ano 2005 como unha parte fundamental do programa eLearning.  En  2007 intégrase no Programa de Aprendizaxe Permanente. É unha acción descentralizada e, polo tanto, non necesariamente coordinada polas Axencias Nacionais do Programa de Aprendizaxe Permanente.  Co lanzamento de  programa Erasmus+ en xaneiro de 2014,  eTwinning pasa a  formar parte de Erasmus+, o programa da Unión Europea en materia de educación, formación, xuventude e deporte. eTwinning adquire así un papel máis relevante do que tivo ata agora  converténdose na plataforma online de referencia para a acción KA2 (Cooperación para a innovación e o intercambio de boas prácticas).  Desde o seu nacemento, eTwinning experimenta un crecemento constante. Para ver o número de participantes actual, podes acudir ó portal do Servizo Central de Apoio, http://www.etwinning.net

eTwinning está dirixido a todos os niveis educativos anteriores á Universidade. Todas as áreas, materias e familias profesionais de Educación Infantil, Primaria e Secundaria teñen cabida en eTwinning, así como os ensinos de réxime especial.  Os idiomas de traballo son aqueles que os socios desexen utilizar, entre eles, o español, cuxo uso medra día a día en Europa, tal como se reflicte nos proxectos eTwinning.

35 é o número de países de pleno dereito que forman parte de eTwinning:  Albania, Alemania, Austria, Bosnia Herzegovina, Bulgaria, Bélxica, Chipre, Croacia, Dinamarca, Eslovaquia, Eslovenia, España, Estonia, Finlandia, Francia, Islandia,  Macedonia, Grecia, Hungría, Irlanda, Italia, Letonia, Liechtenstein, Lituania, Luxemburgo, Malta, Noruega, Holanda, Polonia, Portugal, Reino Unido, República Checa, Rumanía, Serbia e Suecia.

En marzo de 2013 eTwinning ampliouse a países veciños, a raíz da Política de Vecindade Europea que se desenvolveu en 2004 e ten como obxectivo profundizar nas relacións ente países da Unión Europea e limítrofes ou próximos, os nosos «veciños». Esta extensión coñécese co nome de eTwinning Plus e intégrana 7 países: Armenia, Azerbaiyán, Georgia,  Jordania, República de Moldavia, Ucrania e Túnez

A coordinación de eTwinning en Europa lévaa o Servizo Central de Apoio en Bruxelas. En cada país membro a coordinación lévaa o Servizo Nacional de Apoio (SNA).

No caso de España, o SNA ubícase  no Instituto Nacional de Tecnoloxías Educativas e de Formación do Profesorado (INTEF) do Ministerio de Educación, Cultura e Deporte. Cada Comunidade Autónoma conta cun representante eTwinning.  Pica aquí para atopar o listado completo de responsables eTwinning das Comunidades Autónomas.

Para empezar, recomendámosche este vídeo sobre aspectos xerais do programa:

 

Nesta mesma sección atoparás un artigo que presenta as distintas plataformas e lugares de traballo.

Para rexistro ou máis información diríxete ó Portal Europeo: https://www.etwinning.net/es/pub/index.htm

Primeros pasos en eTwinning

Primeros pasos en eTwinning

Uncategorized

Este elemento non está dispoñible no idioma solicitada. Desculpe. For the sake of viewer convenience, the content is shown below in the alternative language. You may click the link to switch the active language.

El Servicio Nacional de Apoyo presenta esta infografía, pensada para aquellos docentes que inician su participación en eTwinning. Es una guía que te ayudará a conocer de forma rápida y visual las funcionalidades y oportunidades que ofrece eTwinning.

Continuar leyendo

Validación do rexistro de usuario en España

Validación do rexistro de usuario en España

Cando un docente se rexistra por primeira vez en eTwinning, ou unha vez rexistrado, cambia de centro escolar, o rexistro pasa por un proceso de validación que consiste en:

  • O responsable eTwinning na Comunidade ou Cidade Autónoma á que pertence o docente envía unha notificación por correo electrónico ó/á director/a do centro escolar para confirmar a veracidade dos datos proporcionados no formulario de rexistro.
  • O/a director/a do centro escolar, seguindo as instruccións do email recibido, responde ó responsable da Comunidad ou Cidade Autónoma confirmando a veracidade dos datos, e no caso de que algúns deses datos non sexan correctos, solicitará a actualización dos mesmos. .
  • O responsable eTwinning comunica ó SNA a aceptación do rexistro.
  • o SNA eTwinning valida o rexistro na plataforma online.

Para que o proceso se desenvolva no menor tiempo posible, é necesario que os datos do/a director/a estean actualizados no perfil do centro escolar. É recomendable o uso do enderezo de correo electrónico institucional, de tal forma que o proceso de comunicación non se vexa interrumpido polos cambios que haxa  na dirección. 

Os datos do/a director/a modifícanse desde eTwinning Live, Modificar perfil, MIS CENTROS ESCOLARES, e na parte inferior da páxina aparece DATOS DO/A DIRECTOR/A.  

 

É posible que  no intervalo de tempo que vai desde que fas o rexistro na plataforma ata que este se valida recibas unha invitación para unirte a algún proxecto.  Aparecerache un aviso no teu perfil do Escritorio eTwinning Live con esta mensaxe:

 

A  túa conta está sendo revisada polo Servizo Nacional de Apoio do teu país

Este aviso aparece porque “ata que o teu perfil non estea validado, o sistema non che permitirá unirte a un proxecto”.

 

Os espazos de traballo en eTwinning

Os espazos de traballo en eTwinning

Desde que un profesor entra en contacto por primeira vez con eTwinning ata que conclúe un proxecto, vai completando unha serie de fases, con ferramentas e utilidades que teñen distintas funcións e niveis de privacidade.

Tres son os niveis ou plataformas:

  • os portais europeo e español: públicos
  • eTwinning Live: acceso restrinxido. É só para docentes.
  • TwinSpace: acceso restrinxido. É só para os membros participantes nun proxecto (docentes, alumnado, outros axentes).

edificio     O Edificio Público: O Portal europeo e O portal Español

En primeiro lugar, atopamos os portais, tanto o do Servizo Central de Apoio (http://www.etwinning.net/) como o do Servizo Nacional de Apoio (http://www.etwinning.es/ ). Son públicos, con acceso para calquera usuario, estea ou non rexistrado en eTwinning.

Os portais teñen tres obxectivos básicos: a información, o asesoramento e a visibilidade. Neles publícanse noticias e novidades relacionadas con eTwinning, mantendo ós usuarios ó día do que ocorre no programa. Tamén se ofrecen documentos, guías e ideas que poidan servir de orientación e axuda para os profesores que queiran iniciar ou estean traballando en proxectos eTwinning, así como medios de contacto cos Servizos Central e Nacional. Así mesmo, os proxectos que acreditan certo nivel de calidade son publicados nos portais: proxectos con Premios nacionais ou europeos, Selos de Calidade, outros proxectos que merece a pena difundir… Ademais, hai entrevistas a profesores, blogs, etc. Tanto as boas prácticas de proxectos como as opinións dos usuarios serven para dar visibilidade ás boas prácticas e son unha fonte de inspiración e ideas para outros profesores.

Recorda que a través do Portal Europeo (http://www.etwinning.net/ )realízase o rexistro en eTwinning e pódese acceder a outras plataformas utilizando as claves de acceso.

freepik       A Sala de Profesores:  eTwinning Live

Unha vez inscrito en eTwinning,  o docente ten acceso  a un espazo  virtual denominado eTwinning Live, un espazo fundamentalmente social. Nel poderá actualizar a súa información e a do seu centro, e atopará ferramentas para contactar con profesores do resto de Europa (buscador de socios, axenda de contactos, xestor de proxectos, foro, mensaxería interna, ferramenta de videoconferencia…). En definitiva, é a nosa ventá ó resto de Europa. eTwinning Live pódese personalizar; e desde aquí, o docente pode xestionar os seus proxectos

As funcións básicas que se poden realizar desde o escritorio eTwinning Live son:

  • Xestionar o noso perfil. Poderemos modificar os datos utilizados na inscrición en eTwinning, tanto os referentes a nós como os referentes ó noso centro de traballo.
  • Buscar un socio. Trátase de encontrar un ou máis docentes europeos que teñan o perfil que desexemos para iniciar un proxecto de eTwinning.
  • Xestionar os proxectos existentes. Poderemos ver novidades sobre eles, acceder ó seu entorno de traballo colaborativo, utilizar as tarxetas de proxecto, engadir socios, etc.
  • Organizar e formar parte de  eventos e comunidades de docentes (grupos).  
  • Participar en oportunidades de desenvolvemento profesional.

 

 

aula         A aula de traballo con alumnos: TwinSpace

Unha vez aprobado un proxecto, os profesores e alumnos participantes, dispón dun espazo seguro de traballo (TwinSpace) onde levar a cabo todas as actividades.  Trátase da aula de traballo virtual compartida por todos os membros participantes no proxecto.

O TwinSpace é o lugar de traballo dos centros socios dun proxecto, o espazo no que se desenvolven as actividades planificadas. Alumnos e profesores son os principais usuarios do TwinSpace; poden participar nel dependendo do perfil de acceso de cada un.

O TwinSpace é un espazo privado, ó que só poden acceder aquelas persoas que  teñan sido dadas de alta polos administradores. Está pensado para que tamén inclúa entre os seus membros a persoas que non están rexistradas na plataforma eTwinning, o que permite que alumnos, pais ou otros profesores traballen no proxecto ou vexan o que está sucedendo nel.

 

 

Rúbrica: O teu perfil eTwinning

Rúbrica: O teu perfil eTwinning

Uncategorized

Para participar en eTwinning o primeiro que cómpre é darse de alta na plataforma en liña. Unha vez que o teu perfil/conta estea validado, poderás beneficiarte de todas as funcionalidades que ofrece. O perfil eTwinning é a tarxeta de visita coa que ti te presentas á comunidade de docentes e permítelles a estes coñecerte. Por iso é conveniente prestarlle atención á información que poñemos e coidar a imaxe que ofrecemos.

Aquí atoparás unha rúbrica que te axudará a analizar o teu perfil e a completalo correctamente. É recomendable actualizalo a miúdo.

Rúbrica perfil eTwinning Live: https://etwinning.es/wp-content/uploads/2017/03/Rubrica-perfil-eTwinning-Live.pdf

Imaxe: fotocomposición SNA eTwinning