Titorial no que se indica paso a paso como subir arquivos a unha carpeta/álbum e como ligalos a unha páxina de actividades.
- Accede ao TwinSpace e preme na pestana de “MATERIALES“.
- Imos subir unha imaxe. No lateral esquerdo da ventá que aparece crea un álbum de imaxes e dálle un nome, por exemplo Nuevo TS:
Preme en Enviar.
- O álbum aparece na parte lateral esquerda da ventá.
- Subimos a imaxe que queiramos. Selecciona o álbum Nuevo TS, preme en Buscar e sigue as instrucións que van aparecendo:
Selecciona a imaxe almacenada no teu ordenador,
- Carga a imaxe, neste caso o logo eTw Schools (ten en conta que o tamaño máximo dunha imaxe é de 2 MB). A pantalla quedará así:
Nota: le atentamente a información do recadro amarelo que está enriba da imaxe sobre os dereitos de autor.
Por outro lado, se cargas unha fotografía na que aparezan menores, asegúrate de ter o consentimento necesario.
**************
- Selecciona a imaxe que queres inserir na páxina
- Pasando o punteiro do rato por riba da imaxe, preme no botón dereito do rato; desprégase un menú, copia o enderezo URL da imaxe (este enderezo URL vai ao portapapeis).
- Vai á sección PÁGINAS e selecciona a páxina, neste caso Mis expectativas de proyecto:
- Preme no lapis (editar/modificar) e abrirase o editor da páxina.
- Preme na icona redonda (cando se pasa o rato por riba aparece a palabra iFrame). Despregarase esta ventá:
Pega o URL que copiaches previamente e preme en Aceptar.
O sistema devólveche esta imaxe:
Preme en Enviar. A páxina queda así:
Tamén podes facelo segundo o proceso que se indica nesta ligazón: https://etwinning.es/es/nuevo-como-insertar-contenidos-en-una-pagina-de-actividades/
*********************************
O mesmo procedemento para un vídeo da sección VÍDEOS
e para un documento da sección DOCUMENTOS.
O tipo de documento que se permite é:
ai | aiff | dbf | dif | doc | docx | eps | flac | mp3 | odg | odp | ods | odt | otp | ots | ott | pdf | ppt | pptx | rar | sda | sdd | sdc | sdw | stc | sti | stw | svg | sxc | sxi | sxw | txt | vor | wav | wma | xls | xlsx | zip
O tamaño máximo dun documento (Word/PDF): 20 MB
Se o arquivo que queres subir non está permitido, recomendámosche que o comprimas a un arquivo de extensión ZIP ou RAR.
