Titorial que indica paso a paso como incluír contidos nunha páxina de actividades no TwinSpace dun proxecto.
- Desde o Escritorio persoal eTwinning Live, accede ao TwinSpace do proxecto.
Tamén podes acceder desde esta ligazón: http://twinspace.etwinning.net/
2.-Selecciona a páxina na que vas inserir os contidos. Preme no lapis que aparece no lateral dereito.
3.- E de novo, volve premer no segundo lapis que aparece. O sistema devólvenos esta pantalla
Pódense introducir imaxes, vídeos, ligazóns, e iFrames.
Pódese introducir texto con imaxes e ligazóns, todo á vez, simplemente facendo copiar e pegar. Por ex. Seleccionamos este contido da Wikipedia, copiamos e pegamos:
4.- E prememos en ENVIAR. O sistema devolve a páxina así:
_______________________________________________________________________
a) Como inserir unha imaxe da sección MATERIAIS (ou externa) nunha páxina de actividades.
a.1. Prememos no lapis da imaxe para editar a páxina.
a.2.- Situámonos no editor da páxina, e prememos na icona superior sinalada co cadrado vermello (cando se pon o rato enriba aparece a palabra Images/Imaxes)::
Aparécenos esta pantalla, que é a sección imaxes do módulo MATERIAIS do TwinSpace.
a.3. Selecciona a imaxe que queres subir (neste caso o logo eTwinning school). Preme sobre a imaxe.
Nota: le atentamente a mensaxe que aparece na parte superior sobre o fondo amarelo relativa aos dereitos de autor.
A imaxe xa pasou á páxina. Observa como queda na páxina.
a.4. Finalmente, preme en Enviar. A páxina queda así:
Supoñamos que a imaxe non está no módulo MATERIAIS. Nese caso,
a.5. Prememos en Buscar (dentro do cadrado vermello). O sistema envíanos a examinar o noso ordenador, buscar a imaxe e seleccionala. Preme en abrir.
(Tamén podes arrastrar a imaxe desde a súa localización ata o cadrado vermello)
A imaxe xa está na sección MATERIAIS.
a.6. Agora, coma no caso anterior, premes sobre ela, e aparecerá na páxina de actividades. Non esquezas premer en Enviar. E así queda na páxina.
______________________________________________________________________
b) Como inserir un vídeo nunha páxina de actividades.
b.1. Prememos no lapis da imaxe para editar a páxina.
b.2.- Preme sobre a icona sinalada cun cadrado vermello (cando se pon o rato sobre ela aparece a palabra Vídeos).
b.3.- O sistema vai á sección Vídeos do módulo MATERIAIS.
b.4.- Prememos sobre o vídeo que queremos inserir. O que está recadrado en vermello. E volvendo á páxina, vemos como queda esta. Observa que aínda non se ve o vídeo; aparece unha imaxe en branco co texto iFRAME:
b.5.- Prememos en Enviar e agora a vista é esta, vese a información do vídeo correctamente:
Premendo sobre o triángulo branco, reprodúcese o vídeo na pantalla.
Nota: a pantalla completa non está dispoñible.
b.6. Se o vídeo non está no repositorio (sección vídeos do módulo MATERIAIS), busca o vídeo que vas inserir; neste caso imos a Youtube.
b.7.- Preme en COMPARTIR.
b.8.-E a seguir, preme en INSERTAR,
Aparecerá este código
b.9.- Selecciona o texto do intervalo sinalado entre os segmentos vermellos: https://www.youtube.com/embed/-wmzFQzqJj0
b.10 Volve á páxina de actividades e preme na icona sinalada cun cadrado vermello. Aparecerá o texto iFrame (na nova versión do TS non está dispoñible o HTML)
Despregarase esta ventá superposta; no espazo onde di URL pon o enderezo anterior, o que estaba entre os dous segmentos vermellos. Podes completar o resto de campos segundo che conveña.
b.11.- Preme en Aceptar e a ventá quedará así.
b.12.- Preme en Enviar. O resultado é este.
Calquera material que se incrusta nunha páxina de actividades estará no módulo MATERIAIS.
Fonte das imaxes: elaboración propia