SOS Planet. Robotics project

2017 otsaila 6, astelehena2017 iraila 18, astelehena

SOS Planet eTwinningen Erasmus+ mugikortasun proiektu bat da. Grezia, Eslovakia, Polonia, Turkia eta Espainiako ikastetxeen artean gauzatutako proiektu honetan 9 eta 18 urte bitarteko ikasleek hartu dute parte.

Proiektuaren helburua ikasleek atzerriko hizkuntzan (ingelesa) dituzten konpetentzia linguistikoak garatzea da, eta aldi berean, programazioa eta robotika ikastea eta ingurugiroari buruzko gaiak lantzea. Lan egiteko metodologia arazoak ebaztean oinarritutako ikaskuntza da. Proiektua era kolaboratiboan gauzatu da gainerakoak erronkak proposatzen dizkieten 5 ikaslez osatutako nazioarteko ekipoen bidez. Formakuntza teorikoa ikaskuntza manipulatiboarekin orekatzen da proposatutako zeregina edo erronka egiteko ikasleek beraiek programatzen dituzten roboten bidez.

Spanish mobility in SLOVAKIA. from Proyecto SOS on Vimeo.

Proiektua bigarren hezkuntzako ikasketa planaren barruan kokatzen da, zehazki teknologia eta ingeleseko arloetan. Alde batetik, ingelesa lanerako komunikazio-hizkuntza da, eta prozesuak azaltzeko, harremantzeko, ideiak banatzeko eta komunikatzeko erabili da. Bestetik, teknologiaren arloan programatzen dute, prozesuak azaltzen dituzte eta proposatutako problemak ebazten dituzte beharrezkoak diren mekanismoak eraikiz. Prozesu horiek guztiak ikasleek aurkezten dituzten bideo eta tutorialekin dokumentatuta daude.

Proiektuaren garapenak 4 bilera transnazional egitea ahalbidetu du. Ikasleek eta irakasleek komunikatzeko e-posta, Whatsapp taldea, TwinSpaceko foroa eta hileroko berrien buletinak erabili dituzte. Gainera, parte hartu duten ikastetxeen arteko bideokonferentziak egin dira. Proiektuak hainbat jarduera barne hartzen ditu, besteak beste, eskolak aurkezteko bideoak, ikasleen aurkezpenak online hormen bidez (Padlet), ideien lehiaketa eta proiektuaren logotipoaren bozketa (Tricider) eta ikasleen arteko inkestak jarduerak proposatzeko Google Drive galdetegiak erabiliz.

Kolaborazioan ikastetxe bakoitzaren indarguneak baliatu dituzte: Espainiak (Valentziako Domus-Godella Fundazio Erakunde Kulturala) robotika ezagutzak; Greziak WordPress eta robotika ezagutzak; Eslovakiak mugikortasunean duen esperientzia, informatikari eta buletinak online diseinatzeari buruzko ezagutza (newsletter); eta Poloniak TwinSpaceari buruzko ezagutzak eta aurretik egindako proiektuetako esperientzia. Hilero, ikastetxeko arduradunek egindako jardueren laburpena bidaltzen diote koordinatzaileari TwinSpacean gainerako kideekin partekatzen den hileroko buletina idazteko.

Proposatzen diren erronkak alegiazko jarduera moduan aurkezten dira. Haietan, ikasleek bideotutorialen bidez robotak programatutako zeregina egin dezan nola programatu behar den azaltzen dute. Erronkak mugikortasuna ematen den lurraldeetan egiten dira. Erronka bukatutakoan, ikasleek egindako lana ebaluatzen duten errubrikak erabiliz. Ekologiari buruzko erronkak ere badaude, adibidez, CO2 harrapatzerakoan landareek zer funtzio betetzen duten topatzea.

Spain : Mission 1task 1 from Proyecto SOS on Vimeo.

Proiektua garatzerakoan teknologiak pisu handia du, bai aukeratutako gaian (robotikaren programazioa) bai proiektuaren diseinuan eta hedatzean. Ikasleek Lego Mindstormen hardware eta softwarearekin lan egin dute. Bideotutorialak egin dituzte eta Vimeo erabiliz partekatu dituzte, baina, gainera, Spark Adobe tresna erabiliz buletin digitalak (newsletterrak) partekatu dituzte. Halaber, proiektuak WordPress blog bat eta Facebook talde bat ditu azken emaitzak ikusgarri egiteko eta jakitera emateko. Padlet hormak erabiltzen dituzte mezuak eta irudiak partekatzeko, Tricider logotipoa aukeratzeko, eta Spark Adobe newsletterrak egiteko https://spark.adobe.com/page/80F05/. Horrez gain, “SOS Planet Erasmus” bloga sortu dute WordPress plataforman. https://sosplaneterasmus.wordpress.com

Parte hartu duten irakasle eta ikasleak zoriontzen ditugu Europan elkarlana sustatzen duen eta konpetentzia linguistiko eta digitalak garatzen dituen proiektu hau arrakastaz garatzeagatik. Etorkizunean proiektu berrietan parte hartzera eta erronka berriei aurre egitera animatzen ditugu.

Proiektuaren TwinSpacerako esteka: https://twinspace.etwinning.net/11157/home

Twitter

Facebook

Proiektu aipagarriak

Reglamento de protección de datos (información básica)

En cumplimiento de la normativa de protección de datos personales, le informamos de que sus datos serán incorporados al tratamiento denominado “eTwinning participación”, cuya finalidad es la participación en el proyecto de colaboración europeo eTwinning.

Puede usted ejercitar los derechos de acceso, rectificación, oposición, supresión (“derecho al olvido”), limitación de tratamiento y portabilidad y a no ser objeto de decisiones individuales automatizadas que sean de aplicación de acuerdo a la base jurídica del tratamiento. Podrá hacerlo en la sede electrónica del ministerio (http://www.educacionyfp.gob.es/servicios-al-ciudadano-mecd/catalogo/educacion/varios/proteccion-datos.html), presencialmente en las oficinas de registro o por correo postal.

Al rellenar y enviar este formulario usted concede su consentimiento inequívoco para el almacenamiento de sus datos en nuestros ficheros tal y como se especifica en nuestras normas de privacidad.