Grupo eTwinning Virxilio
Do mesmo modo que Virxilio axudou a Dante a atopar o camiño cara ao Paraíso na Divina Comedia, o Grupo Virxilio vaiche axudar a atopar o camiño no mundo eTwinning. Anímaste a empezar esta viaxe?
Hai uns meses, coincidindo coa posta en marcha do eTwinning Live, tres embaixadoras italianas crearon un grupo (en inglés) co obxectivo de guiar os docentes no mundo eTwinning: o Grupo Virxilio. Neste grupo, calquera eTwinneiro (xa sexa que se acaba de incorporar ou con experiencia) pode formular preguntas, obter respostas e compartir todo tipo de información e contido sobre o mundo eTwinning.
Unha vez apuntado no grupo, tes a opción de realizar un cuestionario co que saberás en que nivel eTwinning estás: Nivel 1- Perdido; Nivel 2- Escalando; Nivel 3- No Paraíso. Cada nivel ten a súa propia páxina, e cada unha destas páxinas conta con distintos contidos (actividades, xogos, foros, titoriais,…) acorde ao nivel correspondente. Ademais, este grupo tamén conta cunha páxina dedicada a eTwinning Live, con titoriais e pequenas actividades. Outro punto que cómpre salientarmos é o foro específico para a busca de socios e socias para os nosos proxectos.
Con máis de 2000 membros, o Grupo Virxilio é un dos máis numerosos de eTwinning a día de hoxe. Desde o SNA, animámosvos a que vos apuntedes, tanto se sodes novos en eTwinning coma se non, e aproveitedes todos os beneficios que este grupo vos pode ofrecer.
Pica no seguinte enlace se necesitas información sobre como unirte a un grupo eTwinning: http://www.slideshare.net/SNA_etwinning/cmo-unirse-a-un-grupo-e-twinning
Fonte das imaxes: Grupo Virxilio en eTwinning Live
Recomendacións Titoriais Live
Buenas tardes,
anteriormente tenia un perfil con diferentes proyectos publicados, ahora no los encuentro. Se ha borrado totalmente el perfil anterior?
Por favor, escribe a asistencia@educacion.gob.es, desde ahí te darán soporte y ayuda a cualquier consulta.
Un saludo,
El equipo eTwinning