Kit eTwinning: ‘Yo en tus zapatos’

Kit eTwinning: ‘Yo en tus zapatos’

Kits eTwinning

Este elemento non está dispoñible no idioma solicitada. Desculpe. For the sake of viewer convenience, the content is shown below in the alternative language. You may click the link to switch the active language.

Seguimos con la publicación de algunos de los kits elaborados durante el Taller de Desarrollo Profesional “Proyecta eTwinning” para profesores en castellano. En esta ocasión, hemos elegido “Yo en tus zapatos”, una propuesta de blogs que intenta llamar la atención sobre las diferencias culturales y las posibles dificultades de vivir en un país extranjero.

kit 1 yo en tus zapatos

kit yo en tus zapatos2

Fuente de la imagen de cabecera: diseñada por Freepik.com

Design Thinking na aula

Design Thinking na aula

Recomendacións

Empezaremos definindo o Design Thinking como unha secuencia de traballo orientada á busca de solucións creativas a un problema ou necesidade a través da investigación e mais o diálogo. O concepto foi acuñado por Tim Brown, profesor da escola de Enxeñaría de Standford University, que describiu este novo concepto nun artigo publicado na Harvard Business Review en 2008 como ‘disciplina que usa a sensibilidade e os métodos dos deseñadores para facer coincidir as necesidades das persoas co que é tecnoloxicamente factible’.

Continuar leyendo

The incredible life of Marcus Poncius Eropaeus

The incredible life of Marcus Poncius Eropaeus

Proxectos destacados

Este elemento non está dispoñible no idioma solicitada. Desculpe. For the sake of viewer convenience, the content is shown below in the alternative language. You may click the link to switch the active language.

The incredible life of Marcus Poncius Europaeus es un proyecto eTwinning-Comenius en el que participan centros escolares de España, Italia, Turquía, Francia, Grecia y Polonia. El objetivo es crear la biografía de un personaje de ficción que viaja por Europa en la época romana, pero con la particularidad de usar el lenguaje de los medios de comunicación contemporáneos. Continuar leyendo

Dálle a volta á túa clase con eTwinning

Dálle a volta á túa clase con eTwinning

Ferramentas TIC

Hai unhas semanas celebrouse en Madrid o V Encontro eTwinning de Profesores en Castelán: Proxecta eTwinning. Entre todos os relatorios e obradoiros que se levaron a cabo, tivo lugar un que, polo crecemento e a importancia que está a ter esta metodoloxía, queremos destacar. Trátase do obradoiro impartido por Inmaculada Contreras, “Flipped Classroom. Aprender dándolle a volta á clase”. Cada vez está máis presente o desexo de transformación do sistema educativo; a súa posta en marcha é unha necesidade que cada curso escolar se fai máis patente. Somos conscientes da importancia dun modelo de ensino-aprendizaxe centrado nas actividades que realiza o alumnado e non na memorización dunha longa listaxe de determinados contidos. Esta demanda tivo a súa resposta en novas metodoloxías (ou non tan novas?) cos seguintes puntos en común:

  • Diminución considerable do número de clases expositivas. Isto supón un cambio no rol tanto do profesorado coma do alumnado. Neste sentido, o profesorado deixa de ser un mero transmisor de coñecementos e pasa a ser un facilitador no proceso de aprendizaxe do seu alumnado. Pola súa banda, o alumnado deixa de ser un receptor pasivo e pasa a ser protagonista da súa propia aprendizaxe, desenvolvendo, deste modo, un papel moito máis activo.
  • Realización por parte do alumnado de actividades ou proxectos nos que teñan que aplicar o que aprenderon previamente. Esta relación entre os contidos que se ven na clase e o día a día do alumnado pode espertar a súa curiosidade, estimulando deste modo as súas ganas de aprender. Sabemos que o ideal é que o alumnado non estude para aprobar, senón para aprender e aplicar o que aprendeu.
  • Estreitamente relacionado co punto anterior, está a flexibilidade na aprendizaxe centrada no contexto. O alumnado aprende mediante a práctica, deixando nun segundo plano a memorización de grandes bloques de contidos.
  • Fomento, por un lado, da aprendizaxe autónoma do alumnado; por outro lado, da colaboración. O traballo en equipo facilita esta aprendizaxe entre iguais, pero hai que ter en conta que este proceso ten que estar sempre guiado polo profesorado.
  • O uso de ferramentas TIC vólvese imprescindible, aínda que hai que lembrar que o uso das TIC non supón ningunha mellora se non vai acompañado dun cambio metodolóxico.

Son moitas as metodoloxías que cumpren estes puntos (Aprendizaxe Baseada en Proxectos, Flipped Classroom, Aprendizaxe con Dispositivos Móbiles, e-Learning…), chegando en moitos casos a complementarse unhas con outras. Pero entón, que caracteriza o “flipped learning” do resto de metodoloxías? Que o fai único e especial? Son moitos os espazos, blogs e páxinas especializadas sobre flipped classroom. A finalidade deste artigo non é repetir o mesmo que podemos atopar nestes espazos, senón dar unhas pinceladas moi xerais e espertar a curiosidade, tal e como fixo Inmaculada Contreras na hora e media que durou o seu obradoiro, dos que aínda non saiban que é isto do “flipped learning”, “flipped classroom” ou “clase invertida”. Basicamente, e tal como explicaba esta docente de Plástica, trátase de facer o que se fai normalmente na casa na clase, e o que se fai na clase, facelo na casa. É dicir, ver a teoría na casa e afianzar os coñecementos na clase: a clase maxistral do docente pasa a verse na casa en forma de vídeo ou outro formato; na clase acláranse as dúbidas que puideran xurdir e empézase a traballar en actividades concretas.

 

flipped_classroom_2

As vantaxes desta metodoloxía son practicamente as que se sinalaron arriba: trátase dunha metodoloxía flexible, personalizada e adaptada ao contexto e ás necesidades de cada alumno e alumna. Por outro lado, ao ter a teoría en formato audiovisual, o alumnado pode acceder a ela sempre que queira, parar o vídeo as veces que considere oportuno, tomar notas, volver ver determinadas secuencias o número de veces que necesite, etc.

Pero como todas as metodoloxías, o “flipped learning” ten algúns puntos frouxos. O maior risco desta forma de dar clase é a exclusión do alumnado con menos medios. Temos que ser conscientes de que isto pode pasar e, en consecuencia, poñer os remedios correspondentes para evitarmos esta exclusión: se o alumnado non ten Internet, haberá que ofrecerlle o material nunha memoria externa; se non ten ordenador, facilitarlle un horario no centro escolar para que poida ver os contidos. Outro problema que nos pode xurdir é que haxa alumnos e alumnas que non cheguen a afacerse a esta forma de dar clase, ou familias que non apoien esta metodoloxía. Hai que estar preparados para estes posibles rexeitamentos.

Durante o seu obradoiro, Inmaculada Contreras tamén sinalou unha serie de recomendacións para lle “dar a volta á clase”.  Estes son algúns dos consellos:

  • En primeiro lugar, non pretender un cambio metodolóxico radical. Empezar paseniñamente, seleccionando só algúns grupos, algunhas materias e algunhas clases determinadas.
  • En canto ás producións e os materiais con contidos teóricos:
    • Non nos centrar só no vídeo. Este será a principal forma de mostrar a teoría, pero é conveniente utilizar outros elementos e adaptalos ás TIC (documentos PDF interactivos, por exemplo).
    • Non nos obsesionar coas producións audiovisuais que realicemos. Temos que ser conscientes de que non somos produtores audiovisuais e, polo tanto, non se espera unha calidade profesional nos materiais que creemos.
    • Aproveitar, por un lado, os recursos que se poden atopar na rede. Por outro lado, crear tamén contidos axeitados á nosa forma de dar clase. Pero se temos ao noso dispor multitude de vídeos e recursos que xa están feitos cos contidos que queremos traballar, por que molestarnos en facer uns novos? Tal e como indican Jon Bergmann e Aaron Sams (creadores do flipped learning) neste vídeo, ti como docente tes unha relación cos teus estudantes que ninguén máis ten, e iso non o vas atopar en ningún dos recursos de Internet. Se fas os teus propios contidos, poderás incorporar eses aspectos particulares e crear producións adecuadas á vosa forma de dar clase.
  • Outro aspecto moi importante é difundir o que se fai na aula e compartilo a través, por exemplo, das redes sociais.

 

claqueta

Para rematar, ensinounos as seguintes ferramentas TIC para traballar na aula: para realizar cuestionarios interactivos Kahoot; para crear e almacenar historias e cronoloxías a partir de contidos de redes sociais como Twitter ou Facebook, entre outras Strorify; para a creación de contidos Pinterest; e para crear infografías Piktochart.

Á parte destas ferramentas, aquí propoñemos outras que nos poden ser moi útiles á hora de lle “darmos a volta á nosa clase”: Symbaloo, para organizar os nosos recursos e crear paneis cos enlaces ás páxinas, vídeos e ferramentas que vaiamos utilizar nas nosas sesións de flipped learning; e para a creación de titoriais Screencast-o-matic; ou se o que queremos é crear e editar presentacións interactivas que permitan, entre outras cousas, realizarlle preguntas ao noso alumnado a medida que vaian vendo o vídeo, podemos utilizar Officemix (extensión gratuíta de power point) e EdPuzzle.

Tal e como se veu comentando ao longo deste artigo, unha característica destacable do flipped learning é a considerable redución da memorización de contidos a prol de actividades máis próximas e centradas no ámbito do alumnado. Deste modo, o tempo de traballo na aula optimízase e dedícase na maior parte a aspectos prácticos. Neste contexto, os proxectos eTwinning poden ser unha boa forma de iniciarse no flipped learning. Deixa a parte expositiva para a casa e traballa na aula nos teus proxectos eTwinning. Anímate a darlle a volta á túa clase con eTwinning!   Fonte das imaxes: Banco de imaxes INTEF. Creative Commons Attribution-NonCommercial-ShareAlike 3.0 Unported Pixabay. CC0 Public Domain.

 

 

Comunidades de aprendizaxe: eTwinning

Comunidades de aprendizaxe: eTwinning

Ferramentas TIC

A organización en comunidades de aprendizaxe non é algo exclusivo da nosa época. A condición de compartir sempre formou parte da natureza do ser humano. Desde que a persoa é persoa, organizouse en comunidades para sobrevivir, para colaborar, para aprender.

Continuar leyendo

Coido o meu medio

Proxectos destacados

Título do proxecto: Coido o meu medio

Coordinador do proxecto: Juan F. Penas Viso

Centro: CEIP San Babil (Ablitas, Navarra)

Categoría de idade: 4 a 11 anos

Enlaces aos materiais do proxecto:TwinSpace do proxecto

 

 

 

“Coido o meu medio” é un proxecto eTwinning que pretende analizar a conduta dos alumnos e das súas familias con respecto ao seu medio, e reflexionar sobre as medidas que cada un pode tomar para mellorar o medio natural. As actividades propostas contribuíron á reflexión, a crítica e a toma de conciencia dos alumnos con respecto ao medio natural. Juan F. Penas Viso, coordinador do proxecto no CEIP San Babil relátanos aspectos do desenvolvemento do proxecto.

O proxecto eTwinning “Coido o meu medio” tiña a finalidade de analizar a conduta do alumnado e das súas familias con respecto ao seu medio e reflexionar sobre as medidas que cada un pode tomar para mellorar o medio natural.

A través da enquisa inicial e final puidéronse coñecer as diferentes maneiras en que o alumnado dos distintos centros se relacionaba co seu medio, así como os cambios que tiveron lugar nos seus comportamentos despois do desenvolvemento do proxecto. Coas “Propostas de mellora” derivadas da enquisa inicial, o alumnado empezou a incrementar a responsabilidade cívica que se viu potenciada coas actividades realizadas nas fases “Predica co exemplo”, “A túa voz é a túa forza” e “Comunicando”, onde se traballou colaborativamente e se compartiron as ideas para mellorar o medio natural partindo da  nosa contorna, utilizando o español como lingua común do proxecto o que nos permitiu traballar a competencia lingüística en cada un dos países segundo as necesidades de cada un.

A maior dificultade do proxecto foi atopar tempo común para poder realizar videoconferencias con todos os grupos participantes. Isto supliuse coa participación en diferentes foros e nalgunha “quedada” no chío do Twinspace. Os distintos calendarios escolares tamén nos ocasionaron un maior traballo de coordinación que, aínda que as actividades se planificaran con flexibilidade no tempo, algúns centros remataron as clases antes de finalizar a última parte do proxecto. O feito de sermos cinco países participantes permitiu que a ausencia temporal dalgún deles non minguase o desenvolvemento do proxecto.

A participación do alumnado e profesorado integrantes do proxecto foi moi satisfactoria. Dado que o profesorado dos demais países ensinaba español, non contaron con outros compañeiros dos seus centros. No meu caso, o proxecto integrouse na área de educación para a cidadanía que impartía en dous grupos do meu colexio, polo que tampouco foi necesaria a participación doutros docentes.  Si que se tratou de implicar as familias do alumnado a través deles mesmos, colaborando nas respostas dalgunhas preguntas da enquisa e axudando na realización dalgunhas actividades. Gustaríanos ter implicado máis o concello da localidade ou outras entidades, pero o tempo co que contabamos para o desenvolvemento do proxecto non nos permitiu facer máis. Iso si, unha vez rematado o proxecto, fíxose unha xornada de difusión para o alumnado e mais o profesorado do colexio nunha sesión e para as familias, ex-alumnos e público en xeral noutra.

 

predica_ejemplo_cuido_mi_entorno

Non sendo a primeira vez que no meu centro hai un premio nacional por un proxecto eTwinning, o feito de compartilo nunha xornada de difusión previamente permitiu entender mellor o recoñecemento do traballo realizado e viuse incrementado o sentimento de satisfacción de pertenza á nosa comunidade escolar, dado que, novamente, o CP “San Babil” de Ablitas (Navarra) está nos medios de comunicación por un premio nacional eTwinning.

Mais o maior resultado e beneficio segue sendo a motivación do alumnado coa participación nun proxecto eTwinning. Como mestre, permitiume mellorar as estratexias metodolóxicas tendo en conta as achegas das miñas socias, e fíxome ser máis creativo á hora de propoñer tarefas para un alumnado con diferentes idades e etapas educativas. Para os meus alumnos, o feito de realizaren un proxecto con compañeiros doutros países facilitoulles a concepción de cidadán europeo e fíxolles ver as cousas desde outras perspectivas, desde outros ámbitos cuns puntos en común e outros diferentes.

 

DIFUSION-CUIDO-MI-ENTORNO-Cartel

Os materiais elaborados (textos, fotografías, vídeos, slogans, cómics…) fóronnos útiles para darmos a coñecer o traballo realizado na xornada de difusión do proxecto e, sobre todo, para potenciar no alumnado participante (e no presente na difusión) un cambio de comportamento a mellor no coidado do noso contorno máis próximo.

Como comentei antes, non é o meu primeiro premio nacional, pero é o que máis satisfacción e alegría me deu polo feito de ser elixido entre numerosos proxectos con selo de calidade, desenvolvidos todos eles por profesores moi competentes que incrementan aínda máis o valor deste premio. Sen dúbida, este recoñecemento dáme maior impulso e ilusión para seguir desenvolvendo máis proxectos eTwinning co meu alumnado e con outros profesores do centro e, ademais, vaime axudar a seguir difundindo eTwinning como embaixador que son.

 

Jornada_Difusion_-_Cuido_mi_entorno

Fonte imaxes: TwinSpace do proxecto Coido o meu medio