eTwinning School

BALIOAK

Lidergo partekatuaren ereduarekiko konpromisoa hartu du

eTwinning eskolen koordinazioa partekatua da. Zuzendaritza taldeak eTwinning-ek eskaintzen dituen aukerak baloratzen ditu, bai pedagogikoki bai profesionalki, eskolaren jarraibideetan integratuz, eta irakasleak aktiboki animatzen ditu eTwinning jardueretan parte hartzera.

eTwinning zentroak lankidetzan aritzen dira

Irakasleek taldean lan egiten dute hezkuntza-jarduerak eta eTwinning-eko jarduerak planifikatzeko, beren esperientziak eta praktikak eskolan barruan zein kanpoan partekatuz. eTwinning ekintza-plan bat diseinatzen dute berrikuntza sustatzeko eta hezkuntza-esperientzia zabalago eta aberatsagoa eskaintzeko.

Ikasleak aldaketaren eragileak dira

Ikasleen rol aktiboa. Haien parte-hartzeak zentroaren hezkuntza- eta teknologia-berrikuntzak bultzatzen eta areagotzen ditu.

Eredu bat dira beste zentro batzuetarako.

Beste zentro batzuk inspiratzen eta gidatzen dituzte, eTwinning aktiboki sustatuz eta beren lorpenak zabalduz ate irekien jardunaldien, informazio saioen... bidez. Proaktiboak dira beren inguruko beste zentro batzuei irekitako garapen profesionalerako aukerak sortzeko.

Hezkuntza-erakunde inklusiboak eta berritzaileak dira

Inklusioarekiko konpromisoa dute arlo guztietan eta eskola hezkuntza-erakunde integral gisa hartzen dute. eTwinning-en bidez, curriculuma eredu pedagogiko berritzaileak eta hainbat ikuspegi erabiliz eskaintzen dute: ikaskuntza kooperatiboa, ikasleengan zentratutako hezkuntza eta ordutegi eta ikasgela espazio malguak.

Zeintzuk dira eTwinning zentro bat izatearen abantailak?

eTwinning School egiaztapenaren bidez, eTwinningeko kide bakoitzaren inplikazioa, konpromisoa eta dedikazioa ez ezik, ikastetxe osoarena ere aitortzen eta baloratzen da, non irakasle eta zuzendari taldeek elkarrekin lan egiten duten.

Europako mailan eredu gisa ofizialki aitortutako ikastetxeak dira, eta eskola aitzindarien sare bat osatzen dute, lankidetzaren etorkizuneko garapena inspiratzeko.

Ikastetxe hautagarria izateko baldintzak (azken deialdiko datuak) honako hauek dira:

Ikastetxeak 2 urte baino gehiago daramatzatela erregistratuta eTwinning-en.
Ikastetxeko gutxienez 3 eTwinning irakasle edukitzea, proiektuetan, garapen profesionalean edo bestelako jardueretan parte hartu dutenak.
Deialdian adierazitako datatik aurrera, eTwinning proiektu europar bategatik gutxienez nazioko kalitate-zigilu bat lortu izana.

Baldintzei eta eskaerari buruzko informazio gehiago duzu esteka honetan.