O rexistro en eTwinning fano persoas físicas, docentes a título individual. O rexistro dun docente vai ligado ó centro escolar no que desempeña docencia.
O rexistro consta de tres fases:
- Preinscrición
- Mensaxe de correo electrónica
- Cumprimentar formulario con datos profesionais.
Fase_1:
1.- Fai clic en calquera destes dous enlaces:
a) Portal nacional: www.etwinning.es
b) Portal europeo: www.etwinning.net
2.- Busca a icona de Rexistro/Inscrición:
portal nacional
portal europeo
3.- Fai clic en calquera destes epígrafes e lévate á mesma páxina de PREINSCRICIÓN, que contén este pequeno formulario:
Cumprimenta todos os campos (nome, apelidos, enderezo de correo electrónico, nome de usuario*, contrasinal….) e non te esquezas de seleccionar o recadro que está en vermello na parte inferior. Aparecerá o botón SUBMIT/ENVIAR, fai clic nel.
*Ten en conta que o nome de usuario non o poderás cambiar posteriormente.
Fase_2:
4.- Unha vez cumprimentada a Preinscrición, recibirás unha mensaxe no buzón de correo do enderezo de correo electrónico que puxeches que contén un enlace:
Fase_3:
5.- Fai clic en dito enlace, aparece unha ventá onde hai que encher varios formularios; neles tes que incluír os datos do centro escolar** e do teu labor profesional. Se o centro xa está rexistrado por un usuario anterior, selecciónalo da lista na que aparece.
**Ten a man o código do centro escolar, o enderezo de correo electrónico do centro escolar, o enderezo de correo electrónico do/a director/a, o enderezo da páxina web institucional, o número de teléfono do centro escolar.
6.- Unha vez cumprimentados os formularios, xa poderás acceder*** á plataforma co nome de usuario e o contrasinal que elexiches na preinscrición.
***Podes acceder durante un tempo limitado. O teu rexistro está pendente de validación. Este é un proceso interno que se fai desde o SNA.
