Artikulu honetan, Erasmus+ KA229 eskola-trukerako elkartearekin batera garatu diren eTwinning proiektuen adibideak aurkezten ditugu. Bi programen artean, eTwinning eta Erasmus+, ezartzen diren sinergiak gero eta beharrezkoagoak eta estuagoak dira, eta horren emaitza proiektuen kalitatearen hobekuntza da.
Adibide horietan hainbat gai jorratu dira, besteak beste, gizarte-desberdintasuna, arrazakeria, xenofobia, generoagatiko, erlijioagatiko, adinagatiko eta desgaitasunagatiko diskriminazioa, kultura-ondarea, modaren eta edertasunaren munduko tirania, literatura, 2030 Agendaren garapen iraunkorra, Espainiako historia, teknologiaren erabilera egokia… Hautatutako proiektu guztiek jaso dute eTwinning Kalitate-Zigilua eta haien garapena, planifikazioa, materialak eta emaitzak TwinSpace-ra sartzeko estekan ikus daitezke.
Horietan guztietan ikusten da eTwinning-ek erraztu egin duela bazkideen arteko lankidetza, mugikortasunen eta komunikazioaren antolaketa, konpetentzia digitalaren garapena, talde-lana eta proiektuko jarduerak egitea, bai irakasleen aldetik, bai ikasleen aldetik. Lan horiek inspirazio eta eredu izan daitezke etorkizuneko interesdunentzat.
Egin klik irudian. Proiektuaren fitxa bakoitzean, behealdean TwinSpace-rako esteka dago, hots, proiektuaren edukia hartzen duen lankidetzako lan-eremurako esteka.
KA229 praktika onak
Erasmus+ 2019 programaren gidan, urteko deialdian parte hartu nahi duten irakasleentzako gomendio nagusietako bat da eTwinning, eta, bereziki, KA229 eskola-trukerako elkarte batean parte hartuko duten dozenteentzat; izan ere, eTwinning-ek online plataforma seguru bat eskaintzen die –baita ikasleei ere–, Erasmus+ proiektu baten esparruan ekintzak garatzeko aukera ematen duena hura amaitu aurretik, bitartean eta ondoren.
Lehen aldiz, Erasmus+ 2019 deialdian, eTwinning elkarte estrategikoen hautagaitzak ebaluatzeko irizpideetan agertzen da. Proiektuaren diseinuaren eta egikaritzearen kalitatearen atalean, eTwinning lineako lan-plataforma gisa erabiltzea baloratzen da, proiektua hasi aurreko etapan kide-bilatzaile indartsua eta komunikazio-tresnak dituena, kideentzako lan-ingurune komuna, eta proiektua abian denean zein amaitu eta gero jakitera emateko espazio bat, zeinak inpaktu handia bermatzen duen, eta hezkuntza-komunitate osoari aukera ematen dio ezartzen diren harremanen eta jardueren jarraipena egiteko. Era berean, balioesten da proiektu hautagaiak aurreko edo uneko eTwinning proiektuetan oinarritzea, eta eTwinning mugikortasun fisikoarekin batera erabiltzea.
Aurreikusita dago Erasmus+ 2020 deialdian eTwinning-en garrantzia are handiagoa izatea. Hartu parte!
Esteka interesgarriak:
eTwinning-Erasmus+ integrazioaren beste adibide batzuk
eTwinning eta Erasmus+ (KA2) praktika onak
eTwinning-Erasmus+ parte-hartzearen gida laburra
Erasmus+ gida: https://ec.europa.eu/programmes/erasmus-plus/resources/documents/erasmus-programme-guide-2019_es
Europako eTwinning ataria: www.etwinning.net
SEPIE ataria: www.sepie.es
Erasmus+: www.erasmusplus.gob.es
School Education Gateway: https://www.schooleducationgateway.eu/en/pub/index.htm
Irudien iturria:
Nabarmendutako irudia: ELLE RITTER–en irudia Pixabay-n
Dokumentu nagusiaren irudia: azala Freepik.com-eko irudiak erabiliz diseinatu da
